Halló halló!

Þá er allt komið aftur á fullt swing eftir Íslandsferðina góðu. Það var auðvitað frábært að hitta alla familíuna (nema aumingja Önnu og Ragnar sem voru svo óheppin að vera í Californiu - hver vill nú vera þar!) og sérstaklega að hitta nýju krílin, Þórkötlu og Bríeti.
Ég náði nú að gera alveg hellling þrátt fyrir stuttan tíma, hitta hið eina sanna MR gengi í snilldar grillveislu hjá Önnu K. og Greg, fara aðeins út á lífið, luncha með Heiðu og Söru, kíkja í heimsókn til Olgu og Garðars, fara yfir rannsóknargögn með nýrnalæknunum, fara í sund og m.a.s. í gymmið með Söru og alls kyns meira skemmtilegt.

Eftir snjóasama helgi á Íslandi var svo bara gott að koma í vorstemmninguna í Boston. Ég er á gjörgæslunni þennan mánuðinn sem er alveg hreint ótrúlega busy rotation. Sólarhringsvakt 3ja hvern dag, postcall 3ja hvern dag og "swing day" 3ja hvern dag en þá er maður bara í vinnunni 6-1pm. Ég fíla gjörgæsluna alveg rosavel, fullt af áhugaverðum tilfellum og fellow-arnir og sérfræðingarnir miklir snillingar. Það eru fyrirlestrar 1-2 x á dag þannig það er aldeilis haldið að manni lærdómi þessa dagana.